സാമൂഹിക മാധ്യമം വഴി പരിചയം, ന​ഗ്നചിത്രം കൈകലാക്കി കല്ല്യാണം കഴിക്കാൻ ഭീഷണി, യുവാവ് പിടിയിൽ

കിളികൊല്ലൂർ: സാമൂഹിക മാധ്യമം വഴി പരിചയപ്പെട്ട പെൺകുട്ടിയുടെ ന​ഗ്നചിത്രം കൈക്കലാക്കിയ ശേഷം കല്ല്യാണം കഴിക്കാൻ ഭീഷണിപെടുത്തിയ യുവാവ് പിടിയിൽ. പാലക്കാട് മലമ്പുഴ കൊറ്റക്കാട് സ്വദേശിയായ കിഴക്കേപ്പുരയിൽ മിഥുൻ(27) ആണ് പെൺകുട്ടിയെ ഭീഷണിപെടുത്തിയത്.

ആദ്യം സാമൂഹിക മാധ്യമം വഴി പരിചയപ്പെട്ട പെൺകുട്ടിയുടെ കൈയിൽ നിന്ന് പതിയെ ഇയാൾ നഗ്നചിത്രം കൈക്കലാക്കുകയായിരുന്നു. പിന്നീട് പ്രതി തന്നെ വിവാഹം കഴിച്ചില്ലെങ്കിൽ ന​ഗ്ന ചിത്രങ്ങൾ പുറത്തു വിടുമെന്ന് പറഞ്ഞു ഭീഷണിപെടുത്തുകയായിരുന്നു.

പെൺകുട്ടിയുടെ പരാതിയിൽ സൈബർ സെല്ലിൻ്റെ സഹായത്തോടെ പ്രതിയെ പിടികൂടി. കിളികൊല്ലൂർ പൊലീസ് ഇൻസ്പെക്ടർ ഉമറുൾ ഫറൂക്കിൻ്റെ നേത‍ൃത്വത്തിലാണ് പ്രതിയെ പിടിക്കൂടിയത്. പ്രതിയെ റിമാൻഡ് ചെയ്തു.

Content Highlights- Accused arrested after blackmailing woman with her nude pictures